بەهۆی ئامادەنەبوونی ژمارەی پێویستی ئەندامان، کۆبوونەوەی ئەمڕۆی ئەنجومەنی نوێنەران هەڵگیرا.
بەپێی زانیارییەکانی تۆڕی میدیایی ئێستا، بڕیاربوو کاتژمێر 1:00 ی پاشنیوەڕۆ کۆبوونەوەی ئەنجومەنی نوێنەران دەستپێبکات، بەڵام ژمارەی پێویستی ئەندامان ئامادەنەبوون، بۆیە کۆبوونەوەکە بۆ ماوەی نیو کاتژمێر دواخراوە.
هەر بەپێی زانیارییەکان، دوای تەواوبوونی نیو کاتژمێرەکەش هێشتا رێژەی یاسایی ئامادەبووان تەواونەبووە، بەو هۆیەوە موحسین مەندەلاوی جێگری سەرۆکی ئەنجومەنەکە کۆبوونەوەکەی بۆ کاتێكی نادیار هەڵگرت.
