ئەحمەد تورک، رایگەیاند، سوپاسی ئەردۆغان و باخچەلی دەکەم بۆ ئەو رۆڵەی لە پرۆسەی ئاشتیدا گێڕاویانە.
ئەحمەد تورک، سیاسەتمەداری کورد کە هاوسەرۆکی دوورخراوەی شارەوانیی مێردینە، رایگەیاند، سوپاسی رەجەب تەیب ئەردۆغان سەرۆک کۆماری تورکیا و دەوڵەت باخچەلی، سەرۆکی پارتی بزوتنەوەی نەتەوەیی تورکیا (مەهەپە) دەکەم بۆ ئەو رۆڵەی لە پرۆسەی ئاشتیدا گێڕاویانە.
وتیشی، پرۆسەی چەکدانان مێژوویی بوو، ئەمڕۆ پێویستە سیاسەتێکی نوێ لەناو کورددا بونیات بنرێت و لەسەری بەردەوامبن.
لەبارەی دوای پرۆسەی چەکدانان ئەحمەد تورک رایگەیاند، ”کۆمیسیۆنێک لە پەرلەمان پێکدەهێندرێت کە تایدا بۆ ماف و یەکسانیی گەلی کورد، هەوڵدەدرێت و گفتوگۆ دەکرێت”.
