بەڕێوەبەری گشتیی هاتوچۆی هەرێم روونكردنەوە لەبارەی گۆڕینی ساڵانەی ئۆتۆمبێل بۆ پلاستیكی، هاوشێوەی مۆڵەتی شۆفێری دەدات و جەختیشدەكاتەوە دوای یەكخستنی تابلۆی ئۆتۆمبێلی بارهەڵگر بۆ سیستمە نوێیەكە ساڵانەی ئۆتۆمبێلیش دەگۆڕێت بۆ پلاستیكی.
لیوا عەبدولقادر عەزیز بەڕێوەبەری گشتیی هاتوچۆی هەرێم لە لێدوانێكدا بە تۆڕی میدیایی ئێستای راگەیاند، دوای گۆڕینی تابلۆی ئۆتۆمبێلی تایبەت بە شێوازەكە نوێیەكە لە ئێستادا كار دەكرێت كە ئۆتۆمبێلی بارهەڵگریش یەكبخرێت و هەنگاوەكان بۆ گۆڕینی تابلۆی ئۆتۆمبێلی بارهەڵگر دەستپێكراوە.
ئاماژەی بۆ ئەوەش كرد، گۆڕینی ساڵانەی ئۆتۆمبێل ڕسووماتی تایبەتی نییە، بەڵكو تەنها ئەو ڕسووماتەی بۆ نوێكردنەوەی ساڵانەی ئۆتۆمبێل وەردەگیرێت كە تایبەتە بە پارەی ژینگە و قیر و نوێكردنەوە و سزاكانە.
