عەبدولواحید محەمەد، سەرۆكی رێكخراوی یەكێتیی مامۆستایانی كوردستان لە لێدوانێكدا بە تۆڕی میدیایی ئێستای راگەیاند، 70 رۆژە مووچەی مووچەخۆرانی هەرێم نەدراوە دەبێت حكومەتی هەرێم هەموو هەوڵێك بدات و كێشەكە چارەسەربكرێت.
وتیشی، “ئەو ململانێیەی لە نێوان هەرێم و بەغداد هەیە سەرجەم هاوڵاتییانی تووشی بێ ئومێدی كردووە و ئێمە هەموو ئامادەییەكمان تێدایە بۆ چارەسەركردنی كێشەی مووچە بچینە بەغداد”.
راشیگەیاند، بەهۆی دابەشنەكردنی مووچەوە خەڵك ماندووبووە و لەم دۆخەشدا مووچەخۆر و هاوڵاتییان باجەكەی دەدەن.
