بەڕێوەبەرایەتیی پۆلیسی ئیدارەی ڕاپەڕین رەتیكردەوە، هیچ چالاكوانێك لە سنووری قەڵادزێ دەستگیركرابێت و راشیگەیاند، “فەرمانی دەستگیركردن بۆ چالاكوانێك دەرچووە، بەڵام بەهۆی نادیاری شوێنەكەی تاوەكو ئێستا دەستگیرنەكراوە”.
بەڕێوەبەرایەتی پۆلیسی ئیدارەی راپەڕین لە راگەیەندراوێكدا بڵاویكردەوە، “دوای ئەوەی لە تۆڕە كۆمەڵایەتییەكان وابڵاوكرایەوە چالاكوانێك لە قەڵادزێ دەستگیركراوە رەتیدەكەینەوە، تاوەكو ئێستا لە دادگاكانی سنوورەكەمان دەستگیركرابێت”.
ئاماژە بۆ ئەوەش كراوە، ئەو كەسە لەسەر سكاڵای هاوڵاتییەك فەرمانی دەستگیركردنی هەیە بە بڕیاری دادوەر و بە ماددەی 2 لە یاسایی قەدەغەكردنی خراپ بەكارهێنانی ئامێرەكانی پەیوەندیكردن، بەڵام بەهۆی نادیاری شوێنەكەی تاوەكو ئێستا دەستگیرنەكراوە”.
