قوباد تاڵەبانی رایگەیاند، بەهێزبوونی یەکێتی لە بەغداد واتە بەهێزبوونی پێگەی کورد لە عێراق و تەنیا یەکێتی دەتوانێت کێشەکان چارەسەربکات.
قوباد تاڵەبانی، جێگری سەرۆکی ئەنجومەنی وەزیران رایگەیاند، ئەزموونی 20 ساڵی رابردوو سەلماندوویەتی، کە تەنیا یەکێتی توانیویەتی و دەتوانێت، کێشەکان چارەسەربکات.
ئاماژەی بەوەشکرد، لە کۆبوونەوەم لەگەڵ هەڤاڵانی هەردوو بازنەی 3ـی باداوە و بازنەی 23ـی باداوە-کارێزانی هەولێر، داوام لە هەڤاڵان کرد بە هەموو هێز و تواناوە ئەم ماوەیە بکەونە گفتوگۆ لەگەڵ خەڵکی هەولێری خۆشەویست و بۆیان بسەلمێنن، کە بۆچی گرنگە ئەمجارە دەنگ بە یەکێتی بدەن.
