وەزارەتی کارەبای هەرێم رایدەگەیەنێت، لە سەرەتای دەستکردن بە پرۆژەی رووناکی تا ئێستا دوو هەزار و 100 مۆلیدەی ئەهلی گەڕەکەکان کوژاونەتەوە، تا کۆتایی ساڵی 2026 و تەواوبوونی پرۆژەکەش حەوت هەزار مۆلیدە دەکوژێنەوە.
لە راگەیەندراوێکی وەزارەتی کارەبادا هاتووە، بە سەرکەوتوویی توانیمان لە ماوەیەکی کەمدا پڕۆژەی رووناکیی کارەبای 24 کاتژمێری بگەیەنینە 450 هەزار هاوبەشی ماڵان و 90 هەزار هاوبەشی بازرگانی.
ئاماژەی بەوەشکرد، تا ئێستا نزیکەی لە 30% ی پڕۆژەکە، جێبەجێکراوە، دوو ملیۆن هاوڵاتیی سوودمەندبوون لێی.
ئاشکراشیکرد، تا ئێستا دوو هەزار و 100 مۆلیدەی ئەهلی گەڕەکەکان کوژاونەتەوە، تا کۆتایی ساڵی 2026 و تەواوبوونی پرۆژەکەش حەوت هەزار مۆلیدە دەکوژێنەوە.
