شارەزایەكی بواری كەشناسی رایدەگەیەنێت، شەپۆلێكی بارانبارینی لاواز بۆ مامناوەند چەند ناوچەیەك دەگرێتەوە.
هەڤاڵ سدیق گەڵۆزی، شارەزای بواری كەشناسی رایگەیاند، لە پێشهاتێكی نوێ و رووداوێكی دەگمەندا لە مانگی تەمموز كەحاڵەتێكی زۆرنامۆیە بەهۆی گۆڕانكاری لە كەشوهەوا، بەگوێرەی نوێترین پێشبینییە سەرەتاییەكانی دەزگای كەشناسی كەنەدی ( GEM ) لەئەنجامی گاریگەری و هاتنی نزمەپەستانێك بۆ تەواوی ناوچەكانی وڵاتی ئێران و توركیا و هەڵگەڕانەوەی هەور بەهۆی باوە لەناوەراستی مانگ بەدواوە ڕۆژانی ( 16 و 17 )ی مانگ شەپۆلێكی بارانبارینی لاواز بۆ مامناوەند چەند ناوچەیەك دەگرێتەوە.
راشیگەیاند، شەپۆلی بارانبارینەكە بەشێكی زۆر لە ناوچە شاخاوییەكانی دهۆك و زاخۆ و سۆران و راپەڕین و سلێمانی و هەڵەبجە و بەشێك لەناوچەكانی ڕۆژهەڵاتی گەرمیان دەگرێتەوە.
وتیشی، “شەپۆلەكە لەئێستادا لەژێرچاودێریدایە گۆڕانكاری تێدا بەردەوامە”.
