پێشبینییەكانی كەشناسی دەڵێن، ئەمڕۆ و سبەی ئاسمانی هەرێم نیمچە هەور دەبێت و پلەكانی گەرماش بەرزدەبنەوە.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، ئەمڕۆ ئاسمان لە نێوان پەڵەهەور و نیمچە هەور دەبێت و، پلەکانی گەرما (1 تا 2) پلە بەرزدەبنەوە بە بەراوورد بە تۆمارکراوی دوێنێ.
دەربارەی كەشوهەوای سبەینێ-ش دەڵێت، ئاسمان نیمچە هەور دەبێت پاشان دەگۆڕێت بۆ هەوری تەواو و، پلەکانی گەرماش نزیک دەبنەوە لە تۆمارکراوی ئەمڕۆ.
بەرزترین پلەی گەرمای پێشبینیکراوی شار و ناوچەكانیش بەمجۆرە دەبن، (هەولێر 33 پلە، سلێمانی 32، دهۆک 32، کەرکوک 35، هەڵەبجە 34، زاخۆ 32، سۆران 30، حاجی ئۆمەران 24 و گەرمیان 36 پلە).
