سەرۆکایەتیی شارەوانیی سلێمانی بڵاویکردەوە، سبەینێ شەقامی سەرەکی تاسڵوجە – سلێمانی بە ئاراستەی هاتن بۆ سلێمانی دادەخرێت.
سەرۆکایەتیی شارەوانیی سلێمانی بڵاویکردەوە، ” ئاگاداری هاوڵاتییانی شاری سلێمانی و شۆفیران دەكەینەوە، بەهۆی کارکردنی بەردەوام لە یەکتربڕی باخی بەختیاریی، لە سبەینێ 9:30 خولەكی سەرلە بەیانییەوە، شەقامی سەرەکیی تاسڵوجە – سلێمانی بە ئاڕاستەی هاتن بەرەو ناوشاری سلێمانی دادەخرێت”.
ئاماژەی بەوەشکرد، “شەقامی لاوەكیی تەنیشتی ئامادەكراوە و كراوە دەبێت، بۆ بەكارهێنانی لەلایەن شۆفێران و هاوڵاتییانەوە”.
داوایشیکرد، ” هاوڵاتیانیی شاری سلێمانی، هاوكاربن، بۆ جێبەجێكردنی ئەو پرۆژە خزمەتگوزارییە، كە خزمەتێكی گەورە بە شاری سلێمانی و شۆفێران دەگەیەنێت، لەرووی كەمكردنەوەی ئاستەنگی هاتووچۆو قەرەباڵغی زۆری شەقامەكە”.
