پسوڵەی خۆراکی هەولێر، هۆشداری بەو هاوسەرانە دەدات کە جیابوونەتەوە.
بەڕێوەبەرایەتیی رێکخستنی پسوڵەی خۆراکی هەولێر، بڵاویکردەوە، ئەو خێزانانەی جیابوونەتەوە و (تەڵاق نامە)یان هەیە، بەڵام لەبەر هەر هۆکارێک بێت لە ئەپڵیکەیشنەکە یەکێکیان ناوی بلۆک کراوە، جا چ خانمەکە بێت یان پیاوەکە، لەم حاڵەتەدا پێویستە ئەو کەسەی کە ناوی سڕاوەتەوە سەردانی بەڕێوەبەرایەتیەکەمان بکات بۆ ئەوەی فۆڕمی تایبەت بە کێشەی خێزانیان بۆ پڕبکەینەوە و رەوانەی بەغدادی بکەین.
دەشڵێت، “گرنگە سەردانمان بکەن بۆ ئەوەی بەشە خۆراکیان نەفەوتێت و ناویان داغڵی سیستمی نوێکردنەوەی بەشە خۆراک بکرێت و کێشەکەیان بۆ چارەسەربکەین”.
