لەبارەی پڕکردنەوەی فۆڕمی بەشەخۆراکی مانگانەوە، وەزارەتی بازرگانی و پیشەسازیی هەرێم هۆشداری بە هاوڵاتییان دەدات.
وەزارەتی بازرگانی و پیشەسازیی هەرێم بڵاویکردەوە، لەبارەی پسوڵەی ئەلیکترۆنیی خۆراک ئاگاداری هاوڵاتییانی هەرێمی کوردستان دەکەین لەو ماوەیەی بۆ پڕکردنەوەی فۆڕمەکە دیاریکراوە خۆیان تۆماربکەن، تاوەکو لە بەشەخۆراکی مانگانە بێبەش نەبن.
دەشڵێت، لەسەر داواکاریی وەزارەتی بازرگانی و پیشەسازیی هەرێم و بەپێی رێککەوتنێک لەنێوان بەڕێوەبەری گشتیی بازرگانیی هەرێم و بەڕێوەبەری گشتیی فەرمانگەی دارایی عێراق ماوەی پڕکردنەوەی فۆڕمەکە 25 رۆژ، تاوەکو 1ی ئابی 2025 درێژکرایەوە.
