وتەبێژی دەزگای ئاسایسی هەرێم رایدەگەیەنێت، پاشنیوەڕۆی ئەمڕۆ درۆنێک لە سنووری گەرمیان کەوتەخوارەوە.
عەقید سەلام عەبدولخالق، وتەبێژی دەزگای ئاسایسی هەرێمی کوردستان رایگەیاند، کاتژمێر 1:20ـی پاشنیوەڕۆی ئەمڕۆ پێنجشەممە، لە نزیک ناحیەی کۆکس لە سنووری گەرمیان، درۆنێکی بۆمبڕێژکراو کەوتەخوارەوە.
ئاماژەی بەوەشکرد، دەستبەجێ تیمەکانی ئاسایش گەیشتنە شوێنی رووداوەکە و لێکۆڵینەوەیان دەستپێکرد.
وتەبێژی دەزگای ئاسایش باسلەوەشدەکات، کەوتنەخوارەوەی درۆنەکە هیچ زیانێکی گیانیی نەبووە و بەدواداچوون و لێکۆڵینەوە لە رووداوەکە بەردەوامە.
