قائیمقامی چەمچەماڵ رایگەیاند، “هەوڵەکانمان بۆ چارەسەری گرفتی کەمئاویی چەمچەماڵ بەردەوامن”.
رەمەک رەمەزان، قائیمقامی قەزای چەمچەماڵ، بە تۆڕی میدیایی ئێستای راگەیاند، دوای وەستانی کارکردن لە پرۆژەی ئاوی گۆپتەپە-چەمچەماڵ بەهۆی راگرتنی شایستە داراییەکانی، بە سوپاسەوە بۆ قوباد تاڵەبانی، جێگری سەرۆک وەزیرانی هەرێم، کارکردن لە پرۆژەکە دەستیپێکردەوە و ئێستا 8%ی کارەکانی تەواوبوون و سەرجەم بەربەستە کۆمەڵایەتی، کارگێڕی، ئەمنی، سیاسی و کشتوکاڵییەکانی نەماوە.
وتیشی، “بەهاوکاریی سەرجەم لایەنە پەیوەندیدارەکان هەوڵی چارەسەرکردنی کێشەی کەمئاویی چەمچەماڵ دەدەین و سەرجەم زیادەڕەییەکانی سەر پرۆژەی ئاوی چەمچەماڵ لادەبەین و دوو بیری ئیرتیوازی لە بانی مەقان لێدەدەین کە ئەوانیش دیاری قوباد تاڵەبانین و کاریگەریی گەورەیان لەسەر چارەسەری گرفتەکە دەبێت”.
