بەڕێوەبەری گشتیی ئاژانسی نێودەوڵەتیی وزەی ئەتۆم رایگەیاند، سەرەڕای ئەو زیانانەی بەهۆی هێرشەکانی ئەمریکا و ئیسرائیلەوە دووچاری وێستگە ئەتۆمییەکانی بووەوە، ئێران لە ماوەی چەند مانگێکی دیکەدا، دەست بە پیتاندنی یۆرانیۆم دەکاتەوە.
رافایێل گرۆسی، بەڕێوەبەری گشتیی ئاژانسی نێودەوڵەتیی وزەی ئەتۆم لە چاوپێکەوتنێکدا رایگەیاند، “ئێران لە ماوەی چەند مانگێکدا، دەبێتە خاوەنی چەند شلەمەنییەک کە کاردەکەن بۆ بەرهەمهێنانی یۆرانیۆمی پیتێندراو”.
وتیشی، رەنگە بەشێکی یۆرانیۆمەکەی ئێران، لە هێرشەکانی ئەمریکا و ئیسرائیلدا لەناوچووبێت، بەڵام رەنگە بەشێکی گواسترابێتەوە، ئەمەش دەبێت روونبکرێتەوە. دەبێت بتوانین پشتڕاستی بکەینەوە و دڵنیابین لەوەی ئێستا ئێران بڕی چەند یۆرانیۆمی ماوە و لە کوێیە.
دوێنێ شەممە، بەڕێوەبەری گشتیی ئاژانسی نێودەوڵەتیی وزەی ئەتۆم رایگەیاند، نازانن ئێستا یۆرانیۆمی پیتێندراوی ئێران لە کوێیە و رەنگە بەشێکیشی، لەناوچووبێت.
