ماڵپەڕی ئەکسیۆس-ی ئەمریکی رایدەگەیەنێت، کەمێک لەمەوبەر شەش مووشەک لە ئێرانەوە ئاراستەی بنکەیەکی ئەمریکی لە قەتەر کرا.
ماڵپەڕەکە ئەوەیخستووەتەڕوو، ئێوارەی ئەمڕۆ دەنگی تەقینەوەی گەورە لە دەوحەی پایتەختی قەتەر بیستراوە و بە وتەی چەند سەرچاوەیەکیش کە بۆ ماڵپەڕەکە قسەیانکردووە، دەنگی تەقینەوەکە هێرشی مووشەکیی ئێران بووە بۆسەر بنکەیەکی سەربازیی ئەمریکا لە قەتەر.
ئاکسیۆس دەڵێت، ئێران لەو هێرشەدا شەش مووشەکی بەکارهێناوە و لانیکەم، بنکەیەکی سەربازیی ئەمریکای کردووەتە ئامانج.
بەپێی زانیارییەکانی ئەکسیۆس، ئەو بنکەیەی ئەمریکا کە کراوەتە ئامانج، بنکەی (ئەلعودەید) بووە، کە دەکەوێتە نزیک دەوحە.
