بەڕێوەبەری پێشووی دەزگای هەواڵگریی ئەمریکا رایگەیاند، ئەگەر ئەمریکا هێرشبکاتە سەر ئێران هەڵەیەکی مێژوویی دەکات و خۆی دەخاتە شەڕێکی هەرێمییەوە.
لیۆن پانیتا بەڕێوەبەری پێشووی دەزگای هەواڵگریی ئەمریکا و وەزیری پێشووتری بەرگریی ئەمریکا رایگەیاند، کاتێک چەند ساڵێک لەمەوبەر ئەمریکا هێرشیکردە سەر عێراق هەڵەیەکی گەورەی ئەنجامدا، کە بەهۆیەوە شەڕ چەند ساڵێکی خایان.
ئاماژەی بەوەشکرد، دەبێت ئیدارەی ئەمریکا وانە لەو هەڵەیەی رابردوو وەربگرن، نەچنە شەڕی ئێرانەوە، چونکە بەو شێوەیە خۆیان دەخزێننە شەڕێكی هەرێمایەتیی و ئەگەری وەڵامدانەوەی ئێرانیش لە بەرامبەردا هەیە.
