وەزیری دەرەوەی تورکیا رایدەگەیەنێت، ئیسرائیل بە هێرشەکەی بۆ سەر ئێران، ناوچەکە بەرەو کارەسات پەلکێشدەکات.
هاکان فیدان، وەزیری دەرەوەی تورکیا لە 51ـهەمین کۆبوونەوەی وەزیرانی دەرەوەی رێکخراوی هاریکاریی ئیسلامی، رایگەیاند، “ئیسرائیل ناوچەکەی بەرەو لێواری کارەسات پەلکێشکردووە و دەبێت کۆمەڵگەی نێودەوڵەتی، لەسەر ئەم کارانە وەڵامی هەبێت”.
وتیشی، “بەردەوامیی هێرشەکانی ئیسرائیل، نە کێشەی فەڵەستینە، نە لوبنان، نە سووریا، نە یەمەن و نە ئێرانیشە، بەڵکو ئەمە بە ئاشکرا کێشەی خودی ئیسرائیل خۆیەتی”.
ئاماژەی بەوەشکرد، ئێمە بەردەوام هەموو هەوڵێک دەدەین بۆ دۆزینەوەی چارەسەری گونجاو بۆ ئەم دۆخەی ئێستا و کارەکانی ئیسرائیل.
