هێڵی ئاسمانیی لوبنان بڕیاریدا، رۆژانی یەکشەممە و دووشەممە، هەشت گەشتی ئاسمانی بۆ عێراق هەڵبوەشێنێتەوە.
هێڵی ئاسمانیی لوبنان لە بەیاننامەیەکدا دەڵێت، لە ماوەی ئەم دوو رۆژەدا، هەشت گەشت بۆ عێراق هەڵوەشاونەتەوە، کە چواریان (بەیروت-بەغداد) و دووانیان (بەیروت-هەولێر) و دووانەکەی دیکەیشیان، (بەیروت-نەجەف)ـن.
ئاماژەی بەوەشکرد، هۆکاری هەڵوەشاندنەوەی ئەو گەشتە ئاسمانییانە، دەگەڕێتەوە بۆ دۆخی ئەمنیی ناوچەکە.
