بەرپرسانى ئیسرائیل پێیانوایە شەڕەکەیان بەرامبەر ئێران زیاتر لەوەى پێشبینى دەکرا درێژە دەکێشێت.
کەناڵى 12ى ئیسرائیل لە زارى بەرپرسانى ئیسرائیلییەوە بڵاویکردەوە، جەنگى بەرامبەر ئێران درێژە دەکێشێت زیاتر لەوەى لە سەرەتادا پێشبینیمان دەکرد.
لەلایەکى دیکەوە تۆڕى “سى ئێن ئێن” لە زارى بەرپرسانى ئیسرائیلییەوە، ئیسرائیل هێرشەکانى دژ بە ئێران دەستپێکرد بەپێى پابەندیی ئەمریکا بە بەشداربوون، چونکە باوەڕى باو وابوو، سەرکەوتنە سەربازییەکان دەبنە هاندەرى ترەمپ بۆ بەشداریکردنى سەربازى لە جەنگەکەدا.
ئەو بەرپرسانە دەشڵێن، ئاستى سەرکەوتنەکانمان لە جەنگەکەدا بەرەو لاوازییە و بەردەوامیی ئەم دۆخە ئەگەرى روودانى هەڵەى لێدەکرێت.
تۆڕەکە لە زارى ئەوانەوە باسى لەوەشکرد، “ئیسرائیل ناتوانێت سەرجەم دامەزراوە ئەتۆمییەکانى ئێران لەناوببات”.
