سەرۆكایەتیی شارەوانیی سلێمانی ئاگادارییەك ئاراستەی هاوڵاتییان دەكات.
سەرۆكایەتیی شارەوانیی سلێمانی لە راگەیەندراوێكدا دەڵێت، “ئەو هاوڵاتییانەی كە پێشتر داواكارییان پێشكەش بە پارێزگای سلێمانی كردبوو بۆ تاپۆكردنی خانووە زیادەڕۆكانیان ئێستا مامەڵەكانیان تەواوبووە و لەلایەن لیژنەی باڵای جێبەجێكردنی یاسای ژمارە 3ی ساڵی 2019 هەمواركراو) وەڵامی كۆتایی و یەكلاكەرەوەیان لەسەردراوە بە تاپۆكردن یان رەتكردنەوە یاخود قەرەبووكردنەوە كە لە رۆژی سێشەممە و دواترەوە سەردانی بەشی موڵكایەتی بكەن لە نهۆمی یەكەمی سەرۆكایەتیمان بەمەبەستی زانینی ئەنجامی داواكارییەكانیان.
ئاماژە بۆ ئەوەش كراوە، ئەو ناوانەی كە دووبارەن چەند جارێك داواكارییان بۆ تاپۆكردنی چەند خانوویەكی جیاواز پێشكەشكردووە و وەڵامی هەموو داواكارییەكانیان دراوەتەوە.
