بەپێى پێشبینییەکانى کەشناسى ئەگەرى بەرزبوونەوەى خۆڵ لە هەندێک ناوچە هەیە و گەرمیی دوو پارێزگاش دەگاتە 51 پلە.
دەستەى کەشناسیی عێراق رایگەیاند، سبەى یەکشەممە ئاسمان ساماڵ دەبێت، خۆڵبارین لە بەشەکانى رۆژهەڵاتى ناوچەکانى ناوەڕاست و باشوور دەبێت و، پلەى گەرمى نزیکدەبێتەوە لە پلەکانى ئەمڕۆ.
بەپێى پێشبینییەکانى کەشناسى بەرزترین پلەى گەرمى بەمجۆرە دەبێت، “بەغداد و نەجەف 47 پلە، سلێمانى و هەولێر 42، دیالە و کەرکوک و ئەنبار 44، کەربەلا 46، ناسریە 50 و میسان و بەسڕە 51 پلەى سەدى”.
باسى لەوەشکرد، رۆژى دووشەممە کەشوهەوا ساماڵ و گەرم دەبێت، لەگەڵ دەرکەوتنى پەڵەهەور لە ناوچەکانى باشوور و، پلەى گەرمیش لە ناوچەکانى ناوەڕاست و باکوور کەمێک دادەبەزێت.
هەر بەپێى پێشبینییەکانى کەشناسیی عێراق رۆژى سێشەممە پلەى گەرمى کەمێک نزم و رۆژى چوارشەممەش کەمێک بەرزدەبێتەوە.
