دوای داخستنی بەهۆی پەرەسەندی گرژییەکان؛ ئەمڕۆ لوبنان ئاسمانی وڵاتەکەی بەڕووی گەشتە ئاسمانییەکاندا کردەوە.
فایز رەسامنی، وەزیری گواستنەوەی لوبنان رایگەیاند، دوای هەماهەنگی لەگەڵ بەڕێوبەرایەتیی فڕۆکەوانیی شارستانیی وڵاتەکە، ئاسمانی لوبنان بەڕووی گەشتەکاندا کرایەوە.
وێڕای داوای لێبوردنی لەو گەشتیارانەی بەهۆی راگیرانی گەشتەکان گیریانخواردبوو، رەسامنی جەختی لەوە کردەوە، ئەو بڕیارەیان لەبەر باری ئەمنیی ناوچەکە داوە و سەلامەتیی سەرنشینان و دامەزراوە ئاسمانییەکان لەبەرچاوگیراوە.
