وەزارەتی دەرەوەی پاکستان رایدەگەیەنێت، بەپێی ماددەی 51ـی نەتەوە یەکگرتووەکان، ئێران مافی بەرگریکردنی لەخۆی هەیە.
وەزارەتی دەرەوەی پاکستان لە بەیاننامەیەکدا، ئیدانەی هێرشەکانی ئیسرائیل بۆسەر ئێران دەکات و بە “نایاسایی” ناویدەبات.
ئاماژە بەوەشدەکات، “هێرشە سەربازییەکانی ئیسرائیل، پێشێلکردنی سەروەریی ئێرانە و بە روونی پێچەوانەی بڕیاری نەتەوە یەکگرتووەکان و بنەما بنەڕەتییەکانی یاسای نێودەوڵەتییە”.
دەشڵێت، “ئێران بەپێی ماددەی 51ـی جاڕنامەی نەتەوە یەکگرتووەکان، مافی بەرگریکردنی لەخۆی هەیە”.
