بەڕێوەبەری سایلۆکانی سلێمانی، رایدەگەیەنێت، “لە سنووری سلێمانی 145 هەزار تۆن گەنم وەردەگیرێت”.
نەسرین ئەحمەد، بەڕێوەبەری سایلۆکانی سلێمانی، رایگەیاند، لە سنووری سلێمانی 145 هەزار تۆن گەنم وەردەگیرێت و تۆنێک گەنمی بەراو بە 850 هەزار دینار وەردەگیرێت و بۆ تۆنێک گەنمی دێمیش 800 هەزار دینار دیاریکراوە.
وتیشی، جوتیاران دڵنیا دەکەینەوە هیچ گرفتێک بۆ وەرگرتنی گەنم دروست نابێت و پرۆسەکە بە باشی بەڕێوەدەچێت.
ئەمڕۆ 10ی حوزەیرانی 2025، سایلۆکانی سنووری سلێمانی کرانەوە و پرۆسەی بەبازاڕکردنی گەنمی جوتیاران دەستیپێکرد، بڕیارە 12ی حوزەیرانی 2025 لە هەولێر پرۆسەکە دەستپێبکات.
