لێپرسراوی بەشی راگەیاندنی تەندروستیی هەڵەبجە رایگەیاند، “رۆژانی جەژن هەزار و 508 نەخۆش سەردانی نەخۆشخانەیان کردووە”.
فەرحان حەمەخان، لێپرسراوی بەشی راگەیاندنی بەڕێوەبەرایەتیی گشتیی تەندروستیی هەڵەبجە، لە کۆنفرانسێکی رۆژنامەوانیدا رایگەیاند، رۆژانی جەژنی قوربان هەزار و 508 نەخۆش بە مەبەستی وەرگرتنی چارەسەر سەردانی نەخۆشخانەیان کردووە.
وتیشی، لە سێ نەخۆشخانە، چوار رۆژی جەژنی قوربان، سێ مەڵبەند و سەنتەرێکی تەندروستیدا بەشێوەی 24 کاتژمێری خزمەتگوزاریی تەندروستی پێشکەش بە هاوڵاتییان کراوە.
