ئەمشەو یاری نێوان عێراق – ئوردن بەڕێوەدەچێت، عێراقیش بلیتی یارییەکە بەبێ بەرامبەر بەسەر هاندەرانیدا دەبەخشێتەوە.
عومەر بەرزنجی باڵیۆزی عێراق لە ئوردن رایگەیاند، ئەمڕۆ سێشەممە لەناو بینای باڵیۆزخانەی عێراق لە ئوردن بلیتی یاری نێوان ئوردن و عێراق بەبێ بەرامبەر بە هاندەرانی عێراق دەدرێت.
ئاماژەی بەوەشکرد، بلیتەکە لە کاتژمێر 11:00- 3:00 دابەشدەکرێت و پێویستە کەسەکە کۆپی پاسپۆرتی عێراقی لەگەڵ خۆی بهێنێت.
بڕیارە ئەمشەو لە قۆناغی سێیەمی پاڵاوتنەکانی مۆندیال، عێراق و ئوردن لە یاریگای عوممان بەریەک بکەون.
