بڕیارە ئەمڕۆ یەکەم کاروانی حاجییانی عێراق لە فڕۆکەخانەی تائیفەوە بەرەو فڕۆکەخانەی بەغداد بەڕێبکەون.
وەزارەتی گواستنەوەی عێراق بڵاویکردەوە، لە ئەمڕۆوە دەست بە پرۆسەی گەڕاندنەوەی حاجیانی عێراقی دەکرێت و بۆ ئەو مەبەستە حاجییان لە فڕۆکەخانەکانی تائیف، جەددە و مەدینەوە بەڕێدەکەون.
ئاماژەی بەوەشکرد، لە ئەمڕۆوە رۆژانە لەنێوان دوو بۆ شەش گەشت لە فڕۆکەخانەکانی سعودیەوە بۆ فڕۆکەخانەکانی عێراق ئەنجامدەدرێن و تا تەواوی حاجییان دەگەڕێنەوە و پرۆسەکە لە 24 ی مانگ کۆتاییدێت.
