وەزارەتی بازرگانیی عێراق رایدەگەیەنێت، ئەمڕۆ یەکشەممە وەرزی بەبازاڕکردنی بەروبوومی گەنمی ناوخۆیی لە پارێزگاکانی باشووری عێراق کۆتاییهات.
حەیدەر گەرعاوی، بەڕێوەبەری گشتیی کۆمپانیای بازرگانیی دانەوێڵە لە وەزارەتی بازرگانیی عێراق رایگەیاند، وەرگرتنی گەنمی جووتیاران لە سەرانسەری پارێزگاکانی باشووری عێراق بە سەرکەوتوویی کۆتاییهات.
ئاماژەی بەوەشکرد، “ئەو بڕەی وەرگیراوە، لە ئاستی چاوەڕوانییەکان تێپەڕیوە، ئەمەش رەنگدانەوەی هۆشیاری و پابەندبوونی جووتیارانە بە رێنمایی و رێساکانی کشتوکاڵی و کوالێتیی بەرهەمهێنان”.
وتیشی، وەزارەتی بازرگانی پێشتر سایلۆ و کۆگاکانی ئامادەکردووە، بۆ ئەوەی ئەو بڕە زۆرە لە گەنم وەربگرن و هەموو ئەو بڕە گەنمەی جووتیاران رادەستیان کردووە، بەبێ هیچ بەربەستێک و بە تەواوی وەرگیراون.
