بەڕێوەبەرایەتیی بەرگریی شارستانیی سۆران رایدەگەیەنێت، لە قەزای ناوەندی سۆران بەهۆی سەماوەری نەوتەوە لە مالێك ئاگركەوتەوە.
بەپێی راگەیەندراوێكی بەڕێوەبەرایەتیی بەرگریی شارستانیی سۆران كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمرۆ هەینی ئاگاداركراینەوە كە رووداوێكی ئاگركەوتنەوە لە گەڕەكی خەبات- قەزای ناوەندی سۆران كەوتەوە و دوای ئەوەی ئاگادار كراینەوە تیمی ئاگركوژێنەوەی بنكەی بەرگریی شارستانیی سۆران و تیمی رزگاركردن دەرچوون بۆ شوێنی رووداوەكە.
لە راگەیەندراوەكەدا هاتووە، دوای گەیشتنی تیمەكانی ناوبراو توانیان ئاگرەكە بكوژێننەوە و بەپێی راپۆرتی تیمی ناوبراو هۆكاری رووداوی سەماوەری نەوتەوە، جگەلە زیانی ماددی هیچ زیانێكی گیانی بەدواوە نەبوو.
