جارێكی دیكە لەڕێی درۆنەوە هێرش بۆ سەر فڕۆكەخانەی سەربازیی هەریر ئەنجامدرا.
نیوەڕۆی ئەمڕۆ لەڕێی درۆنێكی بۆمبڕێژكراوەوە هێرشێك بۆ سەر فڕۆكەخانەكە ئەنجامدرا و لە نزیك هۆڵەكانی كەوتەوە.
بەپێی زانیارییە سەرەتاییەكان، هێرشەكە زیانی گیانی نەبووە، بەڵام زیانی بە هۆڵەكانی فڕۆكەخانە سەربازییەكە گەیاندووە.
ئێوارەی پێنجشەممەش هێرشێكی هاوشێوە كرایەسەر فڕۆكەخانەكە و بەهۆیەوە ئاگر لە كۆگای سووتەمەنییەكەی كەوتەوە.
پەیامنێری تۆڕی میدیایی ئێستا پێیڕاگەیاندین، فڕۆكەخانەكە كە تەرخانكراوە بۆ هێزەكانی ئەمریكا و هاوپەیمانان، ماوەی چەند رۆژێكە هیچ جموجوڵێكی تیایدا بەدیناكرێت.
لە 7ی تشرینی یەکەمەوە تا ئێستا زیاتر لە 25 جار هێرشکراوەتەسەر بنکە سەربازییەکانی ئەمریکا لە عێراق و سوریا.
