دەستەی دەستپاکیی عێراق بڵاویکردەوە، بە هاوکاری پۆلیسی ئینتەرپوڵ، حەمدییە مەحمود جاف بەڕێوەبەری پێشووی بانکی بازرگانیی عێراقیان لە وڵاتی ئیمارات دەستگیرکردووە و گەڕاندوویانەتەوە.
دەستەی دەستپاکیی عێراق بڵاویکردەوە، لە 1 ی ئایاری رابردوو بە هاوکاریی پۆلیسی ئینتەرپوڵ توانراوە حەمدییە جاف بەڕێوەبەری پێشووی بانکی بازرگانیی عێراق لە وڵاتی ئیمارات دەستگیربکرێت و رادەستی عێراق بکرێتەوە.
حەمدییە جاف، پێشتر بەهۆی 17 دۆسیەی گەندەڵییەوە، بە زیندانیکردن بۆ ماوەی 115 ساڵ سزادرابوو، بەڵام بەهۆی ئامادەنەبوونی لە دادگا بڕیارەکەی بە شێوەی ئامادەنەبوو بۆ دەرکرابوو.
دەستەی دەستپاکی ئاشکرایکرد، ناوبراو تاوانبارە بە بەهەدەردانی زیاتر لە دوو ملیار دۆلار لە سامانی گشتی.
