هەڤاڵ ئەبوبەکر پارێزگاری سلێمانی رایگەیاند، وەک ناڕەزایەتییەک بۆ ئەو دەسەڵاتحوکم و دەسەڵاتدەوڵەتەی هەیە و بانگەشەی مافی هاوڵاتیی و ئایینداریی و پێکەوەژیان دەکەن، هیچ رێوڕەسمێکی رەسمیی جەژن بەڕێوەنابەین.
هەڤاڵ ئەبوبەکر لە پەیامێکدا رایگەیاند، “لەم جەژنەدا بەهۆی بەبارمتەگرتنی هەموو خەڵکی کوردستان لەلایەن دەسەڵاتدارانی ناوخۆیی و عێراقی فیدراڵەوە، لەسەر ئەو تەرزەی “تاوانی نانبڕینی کەسێک، لە سەربڕینی ئەو کەسە؛ گەورەترە”، تەنها بەڕێزەوە رێز لە ئەرک و سروت و نەریتە ئاینییە باڵا و باوەکانی کۆمەڵگاکەمان دەگرین و نزای حەجێکی وەرگیراو بۆ حاجیان و بەهێزبوونی ئیرادە و خۆڕاگریی و پێکەوەکارکردنی هەمووان بۆ تێپەڕاندنی لوتکەی نابەرپرسیارێتیی و ترۆپکی ستەمکاریی بۆ هەموو ئێوەی خۆشەویست دەکەین”.
ئاماژەی بەوەشکرد، دڵنیاتاندەکەینەوە هەموو دامەزراوەکانی حکومەتی خۆجێی سلێمانی لە خزمەتی هاوڵاتیاندا دەبن.
جەختیشیکردەوە، وەک ناڕەزایەتییەک بۆ ئەو دەسەڵاتحوکم و دەسەڵاتدەوڵەتەی هەیە و بانگەشەی مافی هاوڵاتیی و ئایینداریی و پێکەوەژیان دەکەن، هیچ رێوڕەسمێکی رەسمیی جەژن بەڕێوەنابەین.
