هاوڵاتییەك لە شاری فرانكفۆرتی ئەڵمانیا، هێرشی كردە سەر ژمارەیەك هاوڵاتی و بە چەقۆ برینداری كردوون.
بەگوێرەی میدیاكانی ئەڵمانیا، ئەمرۆ سێشەممە 26ی كانونی دووەم، پیاوێك لە نزیك یەكێك لە وێستگەكانی شەمەندەفەر لە شاری فرانكفۆرتی ئەڵمانیا هێرشی كردووەتە سەر ژمارەیەك هاوڵاتی و بە چەقۆ برینداری كردوون.
پاش ڕوداوەكە پۆلیس بەخێرایی چووەتە شوێنی ڕوداوەكە، ناوچەكەی داخستووە و تۆمەتبارەكەشی دەستگیركردووە.
بەگوێرەی زانیارییە سەرەتاییەكان كە میدیاكانی ئەڵمانیا بڵاویانكردووەتەوە، لە ئەنجامی ئەو هێرشە بەشێك لە قوربانییەكان بە سەختی بریندار بوون.
پۆلیسی شارەكە ئاشكرایكردووە، ڕوداوەكە لە كاتژمێر 9ی بەیانی بەكاتی ناوخۆیی وڵاتەكە ڕویداوە، لێكۆڵینەوەشیان دەستپێكردووە بۆ ئەوەی بزانن هیچ پەیوەندییەك لەنێوان قوربانییەكان و تۆمەتبارەكە هەیە یان نا.
