حکومەتی هەرێم لەبارەی مووچەی مانگی پێنجی فەرمانبەر و مووچەخۆران کۆدەبێتەوە.
بڕیارە ئەمڕۆ چوارشەممە، ئەنجومەنی وەزیرانی هەرێم کۆببێتەوە و یەکێک لە تەوەرەکانی تاوتوێکردنی پرسی مووچەی فەرمانبەر و مووچەخۆرانی هەرێمی کوردستانە.
بەپێی زانیارییەکان، یەکێکی دیکە لە تەوەرەکانی کۆبوونەوەکە پرسی لێخۆشبوونە لە پێشینەی هاوسەرگیریی كوڕ و كچی شەهیدان و گرێبەستی كارمەندانی حكومەت.
فەرمانبەر و مووچەخۆرانی هەرێم چاوەڕوان بوون پێش جەژن مووچەیان پێبدرێت و پێداویستییەکانیان بکڕن، بەڵام بەپێی لێدوانی بەرپرسانی عێراق ئەوە روونادات و بڕیاردانی دادگای باڵای فیدراڵیی عێراقیش لەسەر نووسراوەکەی وەزارەتی دارایی عێراق بۆ خەرجنەکردنی مووچەو راگرتنی شایستە داراییەکانی هەرێم دەکەوێتە دوای جەژنی قوربان.
