سەرۆكایەتیی شارەوانیی سلێمانی ئەم وێنانەی بڵاوكردووەتەوە و دەڵێت، “كاركردن لە پڕۆژەی شەقامی 100 مەتری ناسراو بە شەقامی شاڕێی بابان بەردەوامە”.
سەرۆكایەتیی شارەوانیی سلێمانی لە راگەیەندراوێكدا ئاماژەی بۆ ئەوەش كردووە، ئەمڕۆ سێشەممە لە چوارچێوەی خێراتركرنی كارەكانی پڕۆژەكە دەستكرا بەتێكردنی 600 مەتر سێجا كۆنكرێت لە دیواری یەكتربڕی ژمارە 15 كە دەكەوێتە سەر ڕێگای قەرەداغ.
هەر لە راگەیەندراوەكەدا هاتووە، ئامادەكاریكراوە بۆ تێكردنی بەشی یەكەمی كۆنكرێتی سەقفی پردی ژمارە 24 بە بڕی 300 مەتر سێجا كە بڕیارە لە كاتژمێر چواری بەرەبەیان دەست بە تێكردنی بكرێت كە ئەو پردە دەكەوێتە سەر چەمی تانجەرۆ و درێژییەكەی 450 مەتر دەبێت بە چوار ساید.
