فراكسیۆنی پارتی لە ئەنجومەنی نوێنەرانی عێراق وەڵامێكی توندی فراكسیۆنی یەكگرتوو دەداتەوە و دەڵێت، “، زۆرجار بەشێك لە فراكسیۆنە كوردییەكان رۆڵی پارێزەر دەبینن لە هێنانەوەی ئەو پاساوانەی بۆ بڕینی قووت و مووچە و دەستخستنە قوڕگی خەڵكی هەرێمی كوردستان دەهێنرێنەوە، نموونەی ئەمڕۆشمان فراكسیۆنی یەكگرتوو موسەننا ئەمین بوو، كە قسەكانی سەرۆك وەزیرانی عێراقیان بۆ كوردی وەرگێڕا.
هەر لە راگەیەندراوەكەدا هاتووە، بەداخەوە لە پاڵ ئەم زوڵم و زۆرەی لە گەلەكەمان دەكرێت، زۆرجار بەشێك لە فراكسیۆنە كوردییەكانیش رۆڵی پارێزەر دەبینن لە هێنانەوەی ئەو پاساوانەی بۆ بڕینی قووت و مووچە و دەستخستنە قوڕگی خەڵكی هەرێمی كوردستان دەهێنرێنەوە، نموونەی ئەمڕۆشمان فراكسیۆنی یەكگرتوو و موسەننا ئەمین بوو كە قسەكانی سەرۆك وەزیرانی عێراقیان بۆ كوردی وەرگێڕا.
ئاماژە بۆ ئەوەش كراوە، لەبری ئەوەی وەك نوێنەری خەڵكی كوردستان دژی ئەو ستەمە بووەستنەوە، بوون بە وتەبێژ و وەرگێڕ و دەمڕاستی ئەوانەی مافی خەڵكی كوردستانیان بە ناهەق پێشێلكردووە و بەجۆرێك دەریانخست كە حكومەتی هەرێمی كوردستان و خەڵكەكەی بەرپرسیارن خوڵقاندنی ئەم دۆخە.
فراكسیۆنی پارتی دەشڵێت، “داوا لە هەموو فراكسیۆنە كوردستانییەكان لە ئەنجومەنی نوێنەرانی عێراق و لایەنە سیاسییەكان لە هەرێمی كوردستان دەكەین، لەم پرسەدا یەكدەنگ و یەكهەڵوێست لەگەڵ مافی خەڵكی هەرێمی كوردستان بمێننەوە، چونكە ناردنی مووچەی فەرمانبەرانی هەرێمی كوردستان، نەخێرە و نە سەدەقە تا موزایدەی پێوە بكرێت، بەڵكو مافێكی شەرعی و یاساییە و نابێت چیتر وەكو كارت و گوشاری سیاسی بەكاربهێنرێت و مافەكانیان زیاتر لەمە پێشێلبكرێت”.
