لە پرۆژەیەکی ئاوی هەولێر ژمارەیەک کرێکار کەوتنە ژێڕ داڕمانی خۆڵەوە
پەیامنێرمان لە شاری هەولێر پێیڕاگەیاندین، لە پرۆژەی گەیاندنی ئاوی ئیفراز، ژمارەیەک کرێکار کەوتوونەتە ژێر داڕمانی خۆڵەوە.
شاخەوان سەعید، وتەبێژی بەرگریی شارستانیی ههولێر رایگەیاند، پێنج کرێکار لە رووداوەکەدا بوونەتە قوربانی کە بە نەتەوە عەرەبن، سەرجەمیان گەیەندراونەتە نەخۆشخانە، چواریان تەندروستییان باشە و یەکێکیان تەندروستی جێگیر نییە.
