بێستوون فایەق، راوێژکاری بافڵ جەلال تاڵەبانی رایدەگەیەنێت، پێویستە مووچە بەدەربکرێت لە ململانێ سیاسییەکان و دەشڵێت، “مووچە هێڵی سووری یەکێتییە”.
بێستوون فایەق لە لێدوانێکدا بۆ رۆژنامەنووسان رایگەیاند، “نابێت هیچ دۆخێکی سیاسی لە نێوان هەرێمی کوردستان و عێراقدا، بگاتە ئەو ئاستەی سزای فەرمانبەرانی هەرێم بدرێت و دەبێت مووچە بەدەربکرێت لە هەموو ئەو ململانێیانەی لەنێوان عێراق و هەرێمدا هەیە”.
وتیشی، “دەبێت لە ئێستا بەدواوە، هەموو لایەنەکانی ناو حکومەت و دەرەوەی حکومەتیش، هەنگاوی گرنگ بۆ دەرکردنی مووچە لە ململانێ سیاسییەکان بنێن”.
لە سەرەتای مانگی شەشداین و تائێستا، چارەنووسی مووچەی مانگی پێنجی مووچەخۆرانی هەرێمی کوردستان بە نادیاری ماوەتەوە و حکومەتی هەرێم و عێراق، یەکتری تۆمەتباردەکەن بە هۆکاری دواکەوتنی.
