دەستەیەك لە خەڵكی شاری سلێمانی سبەینێ لە شەقامی سالم دژی هێرش و پەلامارەكانی توركیا خۆپیشاندان و گردبوونەوە ئەنجامدەدەن.
راشیانگەیاندووە، ئێمە وەك كۆمەڵێك لە كەسایەتی و خەڵكی سلێمانی بۆ بەرپەرچدانەوەی ئەم هێرش و پەلامارە، داوا لە خەڵكی كوردستان دەكەین بە یەكدەنگ بەرپەرچی ئەم پەلامارە بدەنەوە و رێگە نەدەن دوژمنان لەژێر هەر ناو و پاساوێكدا بێت شكۆی خەڵكی كوردستان بشكێنن.
ئاماژەیان بۆ ئەوەش كردووە، سبەینێ ڕۆژی یەكشەممە 9ی 4ی 2023 هەموومان لە سەهۆڵەكە شەقامی سالمی شاری سلێمانییەوە كاتژمێر 3ی پاشنیوەڕۆ كۆدەبینەوە و بە یەك دەنگ دژی ئەم دەستدرێژییانە دەوەستینەوە و داوا لە خەڵكی تەواوی كوردستان دەكەین و هەر ئەوەشیان لێ چاوەڕێدەكەین كە پشتیوانی سلێمانی بن و لە كۆبوونەوە و گردبونەوەكەماندا تەنها ڕێگە بە هەڵكردنی ئاڵای كوردستان دەدرێت.
