ژمارەی تووشبووانی ڤایرۆسی کۆرۆنا لە هیندستان بەردەوامە لە بەرزبوونەوە و حکومەت داوا لە هاوڵاتییان دەکات، رێکارەکانی خۆپارێزی جێبەجێبکەن.
وەزارەتی تەندروستیی هیندستان ئاشکرای دەکات، ژمارەی تووشبووانی کۆڤید-19 لە هیندستان گەیشتووەتە دوو هەزار و 710 حاڵەتی چالاک و لەو ژمارەیەش، هەزار و 170 نەخۆش لە چاکبوونەوە نزیکن.
بەرپرسانی تەندروستیی هیندستان ئاماژە بەوەدەکەن، ئامادەکاریی تەواو بۆ رووبەڕووبوونەوەی ڤایرۆسەکە کراوە و بۆ هەر حاڵەتێکی لەناکاو، تیمی فریاگوزارییان ئامادەکردووە.
جەختیش لەوە دەکەنەوە، زۆربەی ئەو کەسانەی تووشی ڤایرۆسەکە بوون، تەنها نیشانە سووکەکانیان تیادا دەرکەوتووە و هیچ مەترسییەک لەسەر ژیانیان نییە.
حکومەتی وڵاتەکە داوا لە هاوڵاتییان دەکات، رێکارەکانی خۆپارێزی جێبەجێبکەن و هەرکەسێکیش گومانی لە تووشبوونی بە ڤایرۆسەکە هەیە، بەبێ رینمایی پزیشک، هیچ دەرمانێک بەکارنەهێنێت.
