وەزیرى کار و کاروبارى کۆمەڵایەتیى هەرێم، رادەگەیەنێت، “سەدان هەزار خێزانی هەرێم داهاتی مانگانەیان لەخوار 185 هەزار دینارەوەیە”.
کوێستان محەمەد، وەزیرى کار و کاروبارى کۆمەڵایەتیى هەرێم رایگەیاند، 205 هەزار خێزان لە هەرێمى کوردستان داهاتى مانگانەیان لەخوار 185 هەزار دینارەوەیە.
دەشڵێت، “داوا لە بەغداد کراوە بودجە بۆ ئەو ژمارە خێزانە دابینبکات، بەڵام هیچ بودجەیەکى بۆ تەرخان نەکردوون”.
بەپێی وتەی دڵشاد محەمەد، بەڕێوەبەرى گشتیى دیوانى وەزارەتى کار و کاروبارى کۆمەڵایەتیی هەرێم، “تاوەکو ساڵى 2012 لە هەرێمى کوردستان 83 هەزار خێزان لە خوار هێڵى هەژارى تۆمارکرابوون، بەڵام پاش 13 ساڵ ئامارەکە بۆ 205 هەزار خێزان بەرزبووەتەوە”.
