پاش راگەیەندراوەکەی ئەمڕۆی مەسعود بارزانی و دەرکەوتنی نیازی پارتی بەرامبەر پۆستی سەرۆککۆمار، گرژی لەسەر دەنگدان بە شاخەوان عەبدوڵا دروستبوو.
بەگوێرەی زانیارییەکانی سەرچاوەیەک، پاش ئەوەی بەیانیی ئەمڕۆ ئەندامانی ئەنجومەنی نوێنەرانی یەکێتیی نیشتمانیی کوردستان نیازپاکی خۆیان بۆ دەنگدان بە شاخەوان عەبدوڵا وەک جێگری دووەمی سەرۆکی ئەنجومەنی نوێنەرانی نیشاندەدەن، بەڵام لەدوای راگەیەندراوەکەی مەسعود بارزانی، سەرۆکی پارتی دیموکراتی کوردستان، نیاز و نیەتی پارتی بۆ پۆستی سەرۆککۆماری عێراق دەردەکەوێت، بۆیە گرژی لەسەر دەنگدان بەو کاندیدە دروستدەبێت.
ئەو سەرچاوەیە باسی لەوەشکردووە، راگەیەندراوەکەی مەسعود بارزانی تەواو پێچەوانەی ئەو خاڵ و لێکتێگەیشتنانەیە کە هەردوولا لەسەری رێککەوتوون.
