جێگرى سەرۆکى لقى هەولێرى یەکێتیى مامۆستایان لەلایەن هێزە ئەمنییەکانى شارەکەوە دەستگیرکرا.
مامۆستا نەوزاد عومەر، جێگرى سەرۆکى لقى هەولێرى یەکێتیى مامۆستایانى کوردستان و کارگێڕى سکرتاریەتى ئەنجومەنى مامۆستایانى پێشەنگ لە هەولێر دەستگیرکرا.
ئەو بەرپرسەى مامۆستایان یەکێکە لە دەنگە ناڕازییەکانى شارەکە و دوێنێش لە لێدوانێکدا پێشوازی و پشتیوانی لە خۆپیشاندان و مانگرتنەکانى سلێمانى و دەوروبەرى نیشاندا.
