بەڕێوەبەرایەتیی ئاوی سلێمانی رایدەگەیەنێت، بەهۆی بڕانی کارەبا، دابەشکردنی ئاو لە هەردوو پڕۆژەی یەک و دووی ئاوی دووکان-سلێمانی وەستاوە.
بەڕێوەبەرایەتیی ئاوی سلێمانی لە راگەیەندراوێکدا بڵاویکردەوە، لە کاتژمێر سێی بەرەبەیانی ئەمڕۆوە، بڕانی کارەبا لە هەردوو پڕۆژەی یەک و دووی ئاوی دوکان – سلێمانی روویدا و بەهۆیەوە، دابەشکردنی ئاو لە هەردوو پڕۆژەکە وەستاوە.
دەشڵێت، تیمەکانی بەڕێوبەرایەتیی کارەبای سلێمانی سەرقاڵی چاککردنی کێشەکانن تا دابەشکردنی ئاو ئاسایی ببێتەوە.
