دەزگای ئاسایشی هەرێم بڵاویکردەوە، 30 تۆن دەرمان و پێداویستیی پزیشکیی ماوە بەسەرچوو لەناوبران کە لە ماوەی رابردوودا دەستیان بەسەرداگیرابوو.
دەزگای ئاسایشی هەرێم لە راگەیەندراوێکدا بڵاویکردەوە، لە رێگای چاودێریی لیژنە تایبەتەکانەوە بڕی 30 تۆن دەرمان و پێداویستی پزیشکی ماوەبەسەرچوو و بێ کوالێتی دەستبەسەرداگیراو بەشێوەیەکی زانستی لەناوبرد، سەرجەم دەرمان و کەرەستە پزیشکییەکان بەشێوازێکی نەشیاو گواسترابوونەوە و کۆگا کرابوون و شیاوی بەکارهێنان نەبوون.
ئاماژەی بەوەشکرد، 19 ی ئەم مانگە بەبڕیاری دادوەر، بەشی دامودەزگا و بەڕێوەبەرایەتیی ئاسایشی راپەڕین، بەنوێنەرایەتی لیژنەیەک لە بەڕێوەبەرایەتی تەندروستیی راپەڕین، سەرجەم دەرمان و کەرەستەکان بەشێوەیەکی زانستی لەناوبران.
