سەرچاوەیەک لە وەزارەتی کارەبای عێراق رایدەگەیەنێت، 10 تاوەری گواستنەوەی کارەبا لە ناوچە جیاجیاکانی پارێزگاکانی نەینەوا و سەڵاحەدین، بەهۆی رەشەبای بەهێزەوە داڕماون.
ئەو سەرچاوەیە بە میدیا عێراقییەکانی راگەیاند، بەهۆی داڕمانی ئەو تاوەرانەوە، کارەبا لە ژمارەیەک ناوچەی هەردوو پارێزگای نەینەوا و سەڵاحەدین پچڕان و کارمەندانی کارەبا دەستیانکردووە بە چاککردنەوەیان.
ئاماژەی بەوەشکرد، تەنیا لە ناوچەیەکی نێوان شەرگات و گەیارە سەر بە پارێزگای سەڵاحەدین، چوار تاوەری کارەبا داڕماون.
لە ئێوارەی دوێنێ هەینییەوە، رەشەبایەکی بەهێز هەرێمی کوردستان و باکووری عێراقی گرتووەتەوە و زیانێکیی ماددیی بەرچاوی لێکەوتووەتەوە.
