ئاگرێکی گەورە لە رووبەرێکی فراوانی ناحیەی شەمامک لە پارێزگای هەولێر کەوتووەتەوە و تا ئێستا کۆنتڕۆڵ نەکراوە.
پەیامنێری تۆڕی میدیایی ئێستا گواستییەوە، لە ئێوارەی ئەمڕۆوە ئاگرێکی بەهێز لە رووبەرێکی فراوانی زەوی بە گەنم چێنراو لە ناحیەی شەمامک کەوتووەتەوە و تا ئێستا کۆنتڕۆڵ نەکراوە.
ئاشکراشیکرد، 15 تیمی بەرگریی شارستانیی گەیشتووەنە شوێنی رووداوەکە، بەڵام بەهۆی ئەوەی ئاگرێکی بەهێز هەڵیکردووە کۆنتڕۆڵکردنی سەخت بووە.
