بەڕێوەبەرایەتیی پۆلیسی پارێزگای هەولێر رایدەگەیەنێت، لەلایەن هێزەكانیانەوە سێ تۆمەتبار بە تۆمەتی تەقەكردن و برینداربوونی دوو كەس دەستگیركران.
لە راگەیەندراوێكدا بەڕێوەبەرایەتیی پۆلیسی پارێزگای هەولێر ئاماژەی بۆ ئەوە كردووە، ئەو سێ تۆمەتبارە لەگەڵ چەند كەسێكی دیكەدا لەسەر كێشەیەكی كۆمەڵایەتی دەبێتە دەمەقاڵییان، دواتر توندوتیژی لێدەكەوێتەوە و دوو كەس برینداربوون و بۆیە دوای لێكۆڵینەوەكانی پۆلیس لە ماوەیەكی كەمدا توانرا ئەو تۆمەتبارانە دەستگیربكەین و بیاندەینە دادگا.
هەر لە راگەیەندراوەكەدا هاتووە، هەر كەسێك تەقە بكات و توندوتیژی بەكاربهێنێت، لێپێچینەوەی یاسایی لەگەڵدا دەكرێت و بەپێی یاسای سزادان دەستگیر دەكرێت.
