دوو کارمەندی باڵیۆزخانەی ئیسرائیل لە رووداوێکی تەقەکردندا لە واشنتن کوژران.
کریستی نۆوێم، وەزیری ئاسایشی ناوخۆی ئەمریکا رایگەیاند، لە رووداوێکی تەقەکردندا لە نزیک مۆزەخانەی جووەکان لە ناوەندی شاری واشنتن دی سی، دوو کارمەندی باڵیۆزخانەی ئیسرائیل کوژران.
دانی دانۆن باڵیۆزی ئیسرائیل لە نەتەوە یەکگرتووەکان، رایگەیاند، رووداوەکە کردەوەیەکی تیرۆریی دژە جوو بووە و لە دەرەوەی بۆنەیەک لە مۆزەخانەی جووەکان روویداوە.
دەشڵێت، زیانگەیاندن بە دیپلۆماتکاران و کۆمەڵگەی جووەکان هێڵی سوورە و پێویستە رێگری لێبکرێت و بوەستێندرێت.
